Yuxarı

Xalq artisti Habil Əliyevlə vida mərasimi başlayıb - FOTO

Mərasimdə mədəniyyət və turizm naziri Əbülfəs Qarayev də iştirak edir

Bakı. 9 sentyabr. REPORT.AZ/ Azərbaycan Dövlət Filarmoniyasında xalq artisti Habil Əliyevlə vida mərasimi keçirilir. 

"Report" xəbər verir ki, mərasimdə baş nazirin müavini Elçin Əfəndiyev, Milli Məclis sədrinin birinci müavini Ziyafər Əsgərov, mədəniyyət və turizm naziri Əbülfəs Qarayev, nazir müavini Ədalət Vəliyev, xalq artistləri Canəli Əkbərov, Arif Babayev, Fəxrəddin Dadaşov, İlham Namiq Kamal, Musiqili Komediya Teatrının direktoru Əliqismət Lalayev, dövlət və hökumət rəsmiləri, elm və mədəniyyət xadimləri, ziyalılar, ictimaiyyət nümayəndələri və mərhumun yaxınları iştirak edir. 

Habil Əliyevin oğlu sənətkarın ölümünün onların ailəsi üçün böyük itki olduğunu bildirib və dövlətin onlara olan dəstəyini yüksək qiymətləndirib. O, bu dəstəyə görə Prezident İlham Əliyevə və onun ailəsinə təşəkkürünü bildirib. 

Canəli Əkbərov da dövlətin Habil Əliyevə olan dəstəyini xüsusi qeyd edib: "Habil Əliyevin Azərbaycan xalqı və musiqisi qarşısında ən böyük xidməti ermənilərin kamançanı özününküləşdirməsinin qarşısını almasıdır". 

Mərhum I Fəxri xiyabanda dəfn olunacaq. 

Xatırladaq ki, Habil Mustafa oğlu Əliyev 1927-ci il mayın 28-də Ağdaş rayonunun Üçqovaq kəndində anadan olub. Sentyabrın 8-də 89 yaşında dünyasını dəyişib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi