Yuxarı

Cahangir Novruzov Türkiyədə mükafata layiq görülüb

Azərbaycanın görkəmli sənətkarı Adana Teatrının inkişafındakı xidmətlərinə görə Tiyatro için Emek Ödülü mükafatına layiq görülüb

Bakı. 22 avqust. REPORT.AZ/ Türkiyənin "XVI Direklerarası Seyirci Ödülləri" teatr mükafatının qalibləri açıqlanıb.

"Report" xəbər verir ki, mükafatın “Halk Jürisi”nin üzvləri 2015-2016-cı ilin teatr mövsümünün ən yaxşılarını müəyyənləşdiriblər. 

Münsiflər heyətinin üzvləri Adana, Ankara, Antalya, Balıkəsir, Bartin, Bitlis, Bolu, Burdur, Bursa, Diyarbəkir, Əskişəhər, Qaziantep, Giresun, Hatay, İzmir, Kocaeli, Manisa, Mersin, Muğla, Ordu, Samsun, Trabzon və Van şəhərlərinin teatrlarında səhnəyə qoyulan tamaşaları izləyərək qalibləri seçiblər.

Mükafatçılar arasında Azərbaycanın görkəmli teatr və kino aktyoru, rejissor, əməkdar incəsənət xadimi, Adana Çukurova Universiteti Dövlət Konservatoriyasının professoru Cahangir Novruzov da var. O, Adana Teatrının inkişafındakı xidmətlərinə görə "Tiyatro için Emek Ödülü" mükafatına layiq görülüb. 

Mükafatlar oktyabrda Adanada keçiriləcək festivalda təqdim ediləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi