Yuxarı
    Bağlamaq

    “Trubadur” operası nümayiş etdiriləcək

    Tamaşa noyabrın 21-də Opera və Balet Teatrında baş tutacaq

    Bakı. 18 noyabr. REPORT.AZ/ Noyabrın 21-də Azərbaycan Dövlət Akademik Opera və Balet Teatrında görkəmli italyan bəstəkarı Cüzeppe Verdinin “Trubadur” operasının tamaşası keçiriləcək.

    "Report" xəbər verir ki, tamaşada əsas partiyalardan biri – Leonoranı gənc və istedadlı vokalçı, əməkdar artist, Prezident mükafatçısı Afaq Abbasova, onun tərəf müqabili Manriko partiyasını isə əməkdar artist Fərid Əliyev ifa edəcək.

    Bakı Musiqi Akademiyasının məzunu Nina Makarova isə ilk dəfə tamaşada Azuçena rolunda çıxış edəcək

    Azərbaycan Opera və Balet Teatrının solistləri ilə yanaşı, tamaşada Ukrayna Milli Operasının aparıcı solisti Dmitri Qrişin də çıxış edəcək.

    Qeyd edək ki, D.Qrişin vokalçıların beynəlxalq müsabiqələrinin laureatıdır. O, bir çox Avropa ölkələri – Macarıstan, İspaniya, Niderland, Almaniya və Şotlandiyada uğurlu qastrol səfərlərində olub. Ukraynalı vokalçı tamaşada Qraf de Luna partiyasını ifa edəcək.

    Tamaşanın dirijoru "Dirijorların beynəlxalq müsabiqələrinin və Milli “Humay” mükafatının laureatı" Əyyub Quliyevdir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi