Bakı. 27 avqust. REPORT.AZ/ Cəfər Cabbarlı adına Azərbaycan Dövlət Teatr Muzeyi yeni sərgiyə hazırlaşır.
Bu barədə "Report"a Teatr Muzeyindən məlumat verilib.
Sərgi yeni teatr mövsümünün açılışında Gəncədə nümayiş etdiriləcək. 143-cü teatr mövsümünün açılışı sentyabrın 16-da Gəncə Dövlət Dram Teatrında olacaq. Həmin gün, Azərbaycan Dövlət Teatr Muzeyi Gəncə Teatrının tarixi, keçdiyi sənət yolu, Gəncə teatrının görkəmli sənətkarları haqqında hazırladıqları foto-sərgini nümayiş etdirəcək.
Teatr Muzeyi sərginin ilk nümayişindən sonra foto-stendləri Gəncə Dövlət Dram Teatrına hədiyyə edəcək.