Yuxarı

Rus Dram Teatrında "Afina gecələri" tamaşası nümayiş etdiriləcək

Afina gecələri tamaşasının premyerası yanvar ayında olub

Bakı. 1 fevral. REPORT.AZ/ Səməd Vurğun adına Rus Dram Teatrında fevralın 14-də "Afina gecələri" tamaşası nümayiş etdiriləcək.

"Report" xəbər verir ki, Pyotr Qladilinin pyesinin motivləri əsasında hazırlanan "Afina gecələri" tamaşasının premyerası yanvar ayında olub. Teatr bu tamaşanı ikinci dəfə "Sevgililər günü"ndə tamaşaçılara təqdim edəcək.

Xatırladaq ki, tamaşa teatrın aktrisası, əməkdar artist Yevgeniya Nevmerjitskayanın 70 illik yubileyi münasibətilə hazırlanıb.

"Afina gecələri" tamaşasının rejissoru Rus Dram Teatrının baş rejissoru, xalq artisti Aleksandr Şarovskidir.

Rolları xalq artisti Səfa Mirhəsənov, əməkdar artistlər Nataliya Şarovski, aktyorlar Oleq Əmirbəyov və Natəvan Hacıyeva ifa edir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi