Yuxarı
    Bağlamaq

    Salyanda 10 yaşlı pianoçu qızın solo konserti keçirilib - FOTO

    İradə Həsənova pianoda Azərbaycan və xarici ölkə bəstəkarlarının musiqilərini səsləndirib

    Bakı. 16 yanvar. REPORT.AZ/ Qulu Əsgərov adına Salyan incəsənət məktəbində 10 yaşlı qızın solo konserti keçirilib. "Report" xəbər verir ki, "Mənim musiqili dünyam" adlı solo konsertində 10 yaşlı İradə Həsənova pianoda Azərbaycan, Rusiya və digər xarici ölkə bəstəkarlarının musiqilərini ifa edib. Bir saatdan çox davam edən solo konsertdə istedadlı qızın hər çıxışı zalda oturan tamaşaçılar tərəfindən sürəkli alqışlarla qarşılanıb.

    Qeyd edək ki, Salyan şəhərində doğulan İradə Həsənova 5 yaşından musiqi ilə məşğul olur. O, Azərbaycanda keçirilən musiqi festivallarında, müsabiqələrində iştirak edib. Qiymətli hədiyyələrlə, fəxri fərman və diplomlarla mükafatlandırılıb.

    Hazırda İradə Həsənova Salyan şəhər 1 saylı humanitar fənlər təmayüllü məktəb-liseyin 4-cü sinfində oxuyur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi