​Rusiyanın tanınmış aktyoru dünyasını dəyişib

Bakı. 30 Avqust. REPORT.AZ/ Rusiyanın tanınmış aktyoru Mixail Svetin səhər saatlarında Leninqrad xəstəxanasında vəfat edib.

"Report" xəbər verir ki, bu barədə TASS-a region administrasiyasından məlumat verilib.

"Svetin bu gün səhər saat 06:45-da vəfat edib", — deyə administrasiya nümayəndəsi bildirib

Mixail Svetin avqustun 23-də xəstəxanaya yerləşdirilib və orada əməliyyat olunub. Bəzi məlumatlara görə, 76 yaşlı aktyora hemmoragik insult diaqnozu qoyulub.

Mixail Svetin "Afonya", "Sehirbaz", "12 stul", "Kapuçinov bulvarından adam" filmlərində rol alıb.