Yuxarı
    Bağlamaq

    ​Rejissor Eldar Ryazanov dünyasını dəyişib

    O, 30-dan çox sevilən filmin müəllifidir

    Bakı. 30 noyabr. REPORT.AZ/ Noyabrın 29-dan 30-a keçən gecə Moskva klinikalarından birində SSRİ-nin Xalq artisti Eldar Ryazanov dünyasını dəyişib.

    "Report" xəbər verir ki, bu barədə rejissorun doğmaları TASS-a məlumat veriblər.

    O, növbəti dəfə noyabrın 21-də xəstəxanaya yerləşdirilib. Həkimlər 88 yaşlı kino xadiminin həyatı uğrunda uzun müddət mübarizə aparıblar. Ötən gün axşam o, ağciyərin süni ventilyasiyası aparatına qoşulub. Ağ ciyərlə yanaşı onda ürək çatışmazlığı da aşkar edilib.

    Ryazanov rejissor, ssenariçi, aktyor və prodüser idi. O, hələ də tamaşaçılar tərəfindən sevilən 30-dan çox filmin müəllifidir. Onların arasında "Avtomobildən qorun" (1966), "Həyatın ironiyası və ya Həmişə təmizlikdə!" (1975) və "Amansız romans" (1984) filmlərini göstərmək olar. Eldar Aleksandroviç 1984-cü ildə SSRİ-nin Xalq artisti adına layiq görülüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi