Yuxarı
    Bağlamaq

    "Qatil" filmi Tbilisidə keçirilən festivalda nümayiş etdirilib

    Festivalda filmin quruluşçu rejissoru Kamran Şahmərdan və icraçı prodüseri Katri Lətt də iştirak edib

    Bakı. 5 dekabr. REPORT.AZ/ Xalq yazıçısı Elçinin eyniadlı pyesi əsasında çəkilən "Qatil" bədii filmi 17-ci Tbilisi Beynəlxalq Film Festivalının "Avropa film forumu" bölümündə nümayiş etdirilib. 

    "Azərbaycanfilm" kinostudiyasının mətbuat xidmətindən "Report"a verilən məlumata görə, festivalda filmin quruluşçu rejissoru Kamran Şahmərdan və icraçı prodüseri Katri Lətt də iştirak edib.

    Festival noyabrın 28-dən dekabrın 4-dək Gürcüstan paytaxtı Tbilisidə keçirilib.

    Qeyd edək ki, "Qatil" filmi Mədəniyyət və Turzim Nazirliyinin sifarişi ilə Cəfər Cabbarlı adına "Azərbaycanfilm" kinostudiyasında, Finlandiyanın "Black and White Studio" , Gürcüstanın "Studio 33A" və "Vars Studio" şirkətlərinin iştirakı ilə istehsal olunub.

    Filmdə baş rolları Eka Çxeidze və Apollon Kublaşvili canlandırıblar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi