Yuxarı

Parisdə “Fransız Rəssamları Cəmiyyəti” salonunda ilk dəfə olaraq azərbaycanlı rəssamın əsəri sərgilənir - FOTO

Parisdə “Fransız Rəssamları Cəmiyyəti” salonunda ilk dəfə olaraq azərbaycanlı rəssamın əsəri sərgilənir - FOTO
Nigar Nərimanbəyovanın Fantaziya əsəri fevral ayının 18-dək nümayiş etdiriləcək
© Report

Paris. 14 fevral. REPORT.AZ/ Azərbaycanlı rəssam Nigar Nərimanbəyovanın "Fantaziya" əsəri "Art Capital 2018" sərgisinin "Fransız Rəssamları Cəmiyyəti" salonunda sərgilənir.

“Report”un Fransa bürosu xəbər verir ki, Parisin məşhur “Grand Pale” (Böyük Saray) da baş tutan sərgi fevral ayının 18-dək davam edəcək.

"Art Capital 2018" sərgisinin digər salonlarından fərqli olaraq “Fransız Rəssamları Cəmiyyəti” salonunda nümayiş edilən rəsm əsərləri peşəkar və tələbkar münsiflər heyəti tərəfindən seçilib və dünyanın müxtəlif bölgələrindən cəmi 667 rəssama iştirak etmək hüququ verilib. N.Nərimanbəyova 1663-cü ildə Fransa Kralı XIV Lui tərəfindən əsası qoyulan “Fransız Rəssamları Cəmiyyəti” salonunda əl işi sərgilənən ilk azərbaycanı rəssamıdır.

Hər il təşkil olunan "Art Capital" sərgisi “Fransız Rəssamları Cəmiyyəti”, “Müstəqil Rəssamlar Cəmiyyəti”, “Rəssamlıq və Su Üzərində Rəsm” və “Müqayisələr” kimi 4 salondan ibarətdir. N.Nərimanbəyovanın əsərləri artıq dəfələrlə “Müstəqil Rəssamlar Cəmiyyəti” salonunda nümayiş etdirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi