Nizami Kino Mərkəzi Xocalı faciəsi ilə bağlı pulsuz seanslar təşkil edir

Bakı. 25 fevral. REPORT.AZ/ Xocalı faciəsinin 23-cü ildönümündə Nizami Kino Mərkəzi hərbi-vətənpərvərlik mövzusunda çəkilmiş filmlərin pulsuz nümayişini təşkil edəcək.

"Report" xəbər verir ki, bu barədə məlumatı Nizami Kino Mərkəzinin mətbuat xidməti yayıb.

Fevralın 26-dan səhər saat 10-dan 19-dək Nizami Kino Mərkəzində Vahid Mustafayevin "Xoca", Elxan Cəfərovun "Dolu", gənc rejissor Elvin Abdullayevin "Məriz" qısametrajlı filmi və milli qəhrəmanlar haqqında çəkilən sənədli filmləri gün ərzində tamaşaçılara təqdim ediləcək.