Yuxarı

"Nabat" filmi Türkiyədə keçirilən beynəlxalq film festivalında mükafat alıb

Festival noyabrın 20-27-dək keçirilib

Bakı. 30 noyabr. REPORT.AZ/ Rejissor Elçin Musaoğlunun “Nabat” bədii filmi Türkiyədə keçirilən Boğaziçi beynəlxalq film festivalında mükafata layiq görülüb.

"Report" xəbər verir ki, bu barədə məlumatı "Azərbaycanfilm" kinostudiyası yayıb.

Festival noyabrın 20-27-dək İstanbulda keçirilib və Azərbaycan filmi əsas müsabiqə proqramında yer alıb.

Festivalda iştirak edən "Nabat"ın yaradıcı heyətinin üzvləri filmin nümayişində və təltifetmə mərasimində iştirak edib.

Qeyd edək ki, Mədəniyyət və Turizm Nazirliyinin dəstəyi ilə Cəfər Cabbarlı adına “Azərbaycanfilm” kinostudiyasında 2014-cü ildə lentə alınan filmin ssenari müəllifləri Elxan Nəbiyev və Elçin Musaoğlu quruluşçu operatoru Əbdülrəhim Bəşərat, quruluşçu rəssamı Şahin Həsənli, bəstəkarı Hamed Sabet, icraçı prodüseri Arif Səfərov, prodüseri Müşfiq Hətəmovdur.

Ekran əsərində baş rolları Fatimə Motamed Arya, Vidadi Əliyev, Sabir Məmmədov, Fərhad İsrafilov və digərləri canlandırırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi