Yuxarı
    Bağlamaq

    Musiqili Teatrda “Mənim günahım” tamaşası nümayiş etdirilib

    Tamaşanın quruluşçu rejissoru Gəncə Dövlət Dram Teatrının baş rejissoru İradə Gözəlovadır

    Bakı. 31 may. REPORT.AZ/ Xalq artisti Şükufə Yusupova ad gününü Musiqili Teatrda qeyd edib.

    Musiqili Teatrının Mətbuat katibi Samir Sədaqətoğlunun "Report"a verdiyi məlumata görə, aktrisa mayın 30-da xalq yazıçısı İlyas Əfəndiyevin məşhur “Mənim günahım” pyesi əsasında hazırlanan eyniadlı səhnə əsərində tamaşaçı qarşısına çıxıb. 

    Səhnə əsərində rolları Şükufə Yusupova ilə yanaşı, əməkdar artist İlham Hüseynov və gənc balet ifaçısı Cəlalə Novruzlu ifa ediblər.

    Tamaşanın quruluşçu rejissoru Gəncə Dövlət Dram Teatrının baş rejissoru İradə Gözəlova, dirijoru əməkdar incəsənət xadimi Fəxrəddin Atayev, quruluşçu baletmeysteri Yelena Ağayeva, quruluşçu rəssamı Gəncə Dövlət Dram Teatrının rəssamı Elnur Axundov, konsertmeysteri Fidan Babayeva, rejissor assistenti Elməddin Dadaşovdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi