Afaq Bəşirqızı yenidən səhnəyə qayıdır

Bakı. 15 avqust. REPORT.AZ/ Bu ilin martında onurğa sütünundan əməliyyat olunan xalq artisti Afaq Bəşirqızı sentyabrdan səhnəyə çıxacaq.

Bu barədə "Report"a xalq artistinin özü məlumat verib. 

A.Bəşirqızı deyib ki, bundan sonra müntəzəm olaraq, teatrsevərlərin görüşünə gələcək: "Azərbaycan Dövlət Musiqili Teatrının yeni mövsümü mənim də iştirak etdiyim tamaşa ilə açılacaq. Sentyabrın 18-də dahi Üzeyir bəyin doğum günündə "O olmasın, bu olsun" musiqili komediyası ilə yenidən səhnəyə qayıdıram". 

Qeyd edək ki, bu gün xalq artistinin doğum günüdür.