Yuxarı
    Bağlamaq

    Musiqili Teatr Fəcr Festivalında çıxış edib

    Tamaşaçıların xahişi ilə səhnə əsəri ikinci dəfə nümayiş olunub

    Bakı. 18 yanvar. REPORT.AZ/ Azərbaycan Dövlət Musiqili Teatrı İranda keçirilən 35-ci Fəcr Beynəlxalq Teatr Festivalında çıxış edib.

    Teatrın mətbuat xidmətindən "Report"a verilən məlumata görə, teatr festivalda Üzeyir Hacıbəylinin məşhur “Ər və arvad” iki hissəli musiqili komediyasını təqdim edib.

    Bildirilib ki, böyük maraqla qarşılanan səhnə əsəri tamaşaçıların xahişi ilə istisna olaraq  ikinci dəfə nümayiş olunub. 

    Tamaşanın quruluşçu rejissoru Yusif Əkbərov, quruluşçu dirijoru əməkdar incəsənət xadimi Nazim Hacıəlibəyov, dirijoru əməkdar incəsənət xadimi Fəxrəddin Atayev, quruluşçu rəssamı əməkdar rəssam Eldar Qurbanov, quruluşçu baletmeysterləri Yelena və Zakir Ağayevlər, xormeysteri əməkdar artist Vaqif Məstanovdur.

    Rolları əməkdar artistlər Nahidə Orucova, Ələkbər Əliyev, Əkbər Əlizadə, aktyorlar Gülcahan Salamova, Möylə Mirzəliyev, Ağaxan Şərifov, Hüseyn Əlili və Əliməmməd Novruzov ifa ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi