Bakı. 18 yanvar. REPORT.AZ/ Yanvarın 19-da Nizami Kino Mərkəzində Mədəniyyət və Turizm Nazirliyinin təşkilatçılığı ilə "Milli Qəhrəmanlar" sənədli filmlər silsiləsindən "Vətənə dönənim" filmi nümayiş olunacaq.
"Report" xəbər verir ki, film Azərbaycanın Milli Qəhrəmanı Ənvər Fərəcova həsr edilib.
"Yaddaş" sənədli filmlər studiyasında çəkilən filmin rejissoru Zamin Məmmədovdur. Filmdə qəhrəmanın həyatından və igidliklərlə dolu şərəfli döyüş yolundan bəhs edilir.
Qeyd edək ki, 20 Yanvar faciəsinin iyirmi altıncı il dönümü münasibətilə vətənpərvərlik filmlərinin nümayişi çərçivəsində təşkil olunacaq tədbirə giriş sərbəstdir.