Yuxarı

​Məşhur blüz ifaçısı vəfat edib

Musiqiçi sənət karyerasına 1948-ci ildə başlayıb

Bakı. 15 may. REPORT.AZ/ ABŞ-ın məşhur blüz ifaçısı Bi Bi Kinq vəfat edib. "Report" xəbər verir ki, bu haqda "ABCNews" məlumat yayıb.

Xəbərə görə, məşhur blüz ifaçısı 89 yaşında dünyasını dəyişib. Bir müddət öncə o, şəkər xəstəliyi ilə bağlı xəstəxanaya yerləşdirilmişdi.

Qeyd edək ki, Rayli Bi Kinq 1925-ci il sentyabrın 16-da Missisipi ştatının İtta Bene qəsəbəsində dünyaya gəlib. O, musiqi karyerasına 1948-ci ildə başlayıb. Bi Bi Kinq bəstəkar, gitara ifaçısı, müğənni idi. 2011-ci ildə "Rolling Stone" jurnalının keçirdiyi "Bütün dövrlərin ən yaxşı 100 gitaraçısı" sorğusunda o, 6-cı olmuşdu. Musiqisi və ifasını sevənlər onu "blüz kral"ı adlandırırdı. Ötən illər ərzində Bi Bi Kinq özünü ən kamil blüz ifaçısı olaraq təsdiqləyib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi