Yuxarı
    Bağlamaq

    "Mehmanxana sahibəsi"nin premyerası apreldə olacaq

    Tamaşanın rejissoru xalq artisti Cənnət Səlimovadır

    Bakı. 19 mart. REPORT.AZ/ Azərbaycan Dövlət Gənc Tamaşaçılar Teatrında tanınmış italyan dramaturqu Karlo Qaldoninin "Mehmanxana sahibəsi" əsərinin son məşqləri gedir. Tamaşanın premyerası aprelin sonunda olacaq. Bu barədə "Report"a tamaşanın rejissoru, xalq artisti Cənnət Səlimova məlumat verib.

    Qeyd edək ki, səhnə əsərinin quruluşçu rəssamı Elşən Sərxanoğlu, musiqi tərtibatçısı İradə Muradova, rejissor assistenti Günay Qasımovadır.

    Tamaşada əsas obrazları əməkdar artistlər Gülər Nəbiyeva, Şövqi Hüseynov, Nofəl Vəliyev, aktyorlar Kərəm Hadızadə, Elşən Hacıbabayev, Elşən Çarhanlı, Rəşad Səfərov, Şəbnəm Hüseynova, Sevinc Mehrəliyeva, Təhminə Məmmədova, Eşqin Quliyev və Ceyhun Məmmədov ifa edəcəklər.

    Baş rol - Mirandolina obrazını əməkdar artist Leyli Vəliyeva canlandıracaq.

    Tamaşa hər kəs tərəfindən sevilən gözəl Mirandolinaya (mehmanxana sahibəsi) inadkar Kavalerin kobud münasibəti və bu qadının yaraşıqlı Kavalerə qarşı qisasından bəhs edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi