Yuxarı
    Bağlamaq

    Mədəniyyət və Turizm Nazirliyi xalq artistlərinin davasına münasibət bildirib

    Vüqar Şıxəmmədov: Hadisələr araşdırılacaq, baş verənlər təhlil olunacaq

    Bakı. 25 avqust. REPORT.AZ/ Mədəniyyət və Turizm Nazirliyi Akademik Milli Dram Teatrının aktyorlar-xalq artistləri Ramiz Məlik və Ramiz Novruz arasında baş verən davaya münasibət bildirib.

    Qurumun İnformasiya və ictimaiyyətlə əlaqələr şöbəsinin müdiri Vüqar Şıxəmmədov "Report"a açıqlamasında deyib ki, son vaxtlar Akademik Milli Dram Teatrında yaranan bütün qalmaqallar və o cümlədən xalq artistləri Ramiz Məlik və Ramiz Novruz arasında baş verən qalmaqal nazirliyin diqqətindədir: "Sentyabrın əvvəlində teatr mövsümünün açılışı olacaq. Mövsümün açılışı ərəfəsində Mədəniyyət və Turizm Nazirliyi həm sonuncu, həm də bundan öncəki baş vermiş qalmaqallara yenidən baxacaq. Hadisələr araşdırılacaq, baş verənlər təhlil olunacaq". 

    Xatırladaq ki, avqustun 23-də Akademik Milli Dram Teatrının ilk iş günündə xalq artistləri Ramiz Məlik və Ramiz Novruz arasında dava olub. R.Məlik həmkarından polisə şikayət edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi