Bakı. 7 dekabr. REPORT.AZ/ Azərbaycanın görkəmli müğənnisi, SSRİ xalq artisti Rəşid Behbudovun anadan olmasının 100 illiyi münasibətilə Rəşid Behbudov adına Mahnı Teatrında yubiley tədbiri keçiriləcək.

"Report" xəbər verir ki, yubiley gecəsi dekabrın 14-də, Rəşid Behbudovun doğum günündə baş tutacaq.

Qeyd edək ki, Rəşid Behbudovun 100 illik yubileyi münasibətlə silsilə tədbirlər keçirilir.

Rəşid Behbudovun yubileyinə həsr edilən təntənəli mərasim, Heydər Əliyev Sarayında olacaq. Hələlik yubiley tədbirinin vaxtı dəqiqləşdirilməyib.