Yuxarı

Luvr muzeyi piramidasının memarı 102 yaşında vəfat edib

​Luvr muzeyi piramidasının memarı 102 yaşında vəfat edib

Çin əsilli Amerika memarı Bey Yuymin 102 yaşında dünyasını dəyişib.

"Report" TASS-a istinadən xəbər verir ki, bu barədə mərhumun oğluna istinadən "The New York Times" yazıb.

Məlumata görə, Bey aprelin 26-da 102 yaşını qeyd edib.

Memar ilk növbədə Parisdəki Luvr muzeyinin piramidası sayəsində şöhrət tapıb. Şüşə və metaldan ibarət 20 metrlik tikili onun layihəsi əsasında və 1985-1989-cu illərdə prezident olmuş Fransua Mitteranın təşəbbüsü ilə hazırlanıb. Bununla yanaşı, Bey Yuymin Klivlenddəki rok-n-rol şöhrət Zalı binası, Nyu-Yorkda "JPMorgan Chase" bankının qülləsi və bir çox başqa tikililərin müəllifidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi