Yuxarı

Kukla Teatrı "Muraveynik" Festivalına dəvət alıb

Festival aprelin 14-dən 20-dək İvanova şəhərində keçiriləcək

Bakı. 18 mart. REPORT.AZ/ Abdulla Şaiq adına Azərbaycan Dövlət Kukla Teatrı apreldə festivala gedəcək.

Bu barədə "Report"a Dövlət Kukla Teatrının direktoru Rəşad Əhmədzadə açıqlama verib.

Onun sözlərinə görə, teatr aprelin 14-dən 20-dək İvanova şəhərində keçiriləcək "Muraveynik" festivalında iştirak edəcək: "Festivala Kamran Şahmərdanın "Ağ-qara" tamaşasını aparacağıq. Tamaşa böyüklər üçün hazırlanıb".

R.Əhmədzadə qeyd edib ki, teatrda böyüklər üçün yeni tamaşa hazırlanır: "Zəng" adlanan tamaşanın müəllifi və quruluşçu rejissoru Qurban Məsimovdur. Yaxın günlərdə tamaşanın premyerası gözlənilir".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi