Yuxarı
    Bağlamaq

    Kinorejissor: "Xalı" adlı tammetrajlı bədii film çəkmək istəyirəm

    Şamil Əliyev: Filmin ssenarisi 2 ildir Mədəniyyət və Turizm Nazirlyinə təhvil verilib

    Bakı. 11 iyul. REPORT.AZ/ Azərbaycanın tanınmış kinorejssoru və ssenaristi Şamil Əliyev "Xalı" adlı tammetrajlı bədii film çəkmək istəyir. 

    O "Report"a bildirib ki, "Xalı" adlı tammetrajlı bədii filmin ssenarisi 2 ildir hazırdır. Kinossenarini yazıçı İmir Məmmədli ilə birlikdə yazmışıq. Mədəniyyət və Turizm Nazirliyinə ssenarini təqdim etmişik.

    "İki ildir nazirlikdən heç bir xəbər yoxdur. Çox istəyirəm ki, bu ssenari ilə tanış olub, filmin çəkilməsində yardımçı olsunlar. Filmi sponsor hesabına da, çəkə bilərik. Amma dövlət hesabına çəkilməyi daha məqsədəuyğun olar. Çünki filmin süjet xətti , Azərbaycanın qədim sənəti olan xalçaçılıqdan, xalı mədəniyyətindən bəhs edir. "Xalı"  adlı kinossenaridə xalça  mövzusu qırmızı xətlə keçir. Nazirlikdən cavab gözləyirəm", - deyə Ş.Əliyev söyləyib.

    Xatırladaq ki, Şamil Əliyevin 2012-ci ildə ekranlaşdırdığı "Çölçü" filmi "Xarici dildə ən yaxşı filmə görə" nominasiyasında 2014-cü ildə "Oskar" mükafatına təqdim olunub və ilkin siyahıda yer alıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi