Yuxarı

İtaliya ansamblı və Azərbaycanın simfonik orkestrinin birgə konserti olacaq

Konsert iyunun 24-də keçiriləcək

Bakı. 23 iyun. REPORT.AZ/ Müslüm Maqomayev adına Azərbaycan Dövlət Filarmoniyasında İtaliyanın "Le Dev4s" ansamblı və Üzeyir Hacıbəyli adına Dövlət simfonik orkestrinin birgə konsert proqramı keçiriləcək. 

"Report" xəbər verir ki, məlumatı Mədəniyyət və Turizm Nazirliyi yayıb. 

Konsert iyunun 24-də keçiriləcək. Musiqiçi və prodüser Françeska Volpini tərəfindən yaradılan "Le Dev4s" dörd italiyalı sopranosundan ibarət ansambldır. Yalnız qadınlardan ibarət olan bu ansambl Motsart, Bellini, Verdi və Puçini də daxil olmaqla ən məşhur opera nümunələrinin və mahnıların interpretasiyasını təqdim edir. 

Konsert proqramı saat 21:00-da başlayır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi