Yuxarı
    Bağlamaq

    “İnikas” filmi Moskvada beynəlxalq fesivalda nümayiş etdiriləcək

    Filmin süjet xətti SSRİ dövründə Ağdam şəhərində yaşayan azərbaycanlı ailənin başına gələn müəmmalı hadisədən bəhs edir

    Bakı. 9 iyun. REPORT.AZ/ “İnikas” bədii filmi Rusiyanın Esperanza Beynəlxalq Film Fesivalında nümayiş etdiriləcək.

    "Azərbaycanfilm" kinostudiyasından "Report"a verilən məlumata görə, festival avqustun 18-dən 25-dək Moskvada keçiriləcək.

    Qeyd edək ki, "İnikas" bədii filmi 2014-cü ildə Mədəniyyət və Turizm Nazirliyinin dəstəyi ilə “Azərbaycanfilm” kinostudiyasında lentə alınıb. Filmin süjet xətti SSRİ dövründə Ağdam şəhərində yaşayan azərbaycanlı ailənin başına gələn müəmmalı hadisədən bəhs edir. Babasının çardağından tapdığı köhnə fotoaparat ilə qarşısına çıxan hər şeyi çəkən filmin qəhrəmanı şəkilləri aşkarlayanda nə ilə qarşılaşacağından xəbərsizdir.

    Ekran əsərinin ssenari müəllifi gənc rejissor Ayşad Səfərəliyev, quruluşçu operatoru Rauf Qurbanəliyev, quruluşçu rəssamı Şahin Həsənli, icraçı prodüseri Vüsal Abbasov, prodüseri Müşfiq Hətəmovdur. Filmdə baş rolları Elşən Rüstəmov, Tofiq Əliyev, Nargilə Qəribova və digərləri canlandırıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi