Yuxarı

​I Avropa Oyunlarına həsr olunmuş şokoladdan hazırlanmış 3D rəsmin təqdimatı olacaq

Rəsmdə nəyin əks olunduğu isə təqdimatın açılış gününədək müəllif tərəfindən sirr kimi saxlanılır

Bakı. 1 iyun. REPORT.AZ/ Dünyanın 40-dan çox ölkəsində əsərləri nümayiş olunmuş "Nikolya" Şokolad Muzeyinin müəllif sərgisini Bakı şəhərində ilk həftədən on mindən çox insan izləyib.

Mədəniyyət və Rurizm Nazirliyindən "Report"a verilən məlumata görə, xüsusi olaraq Bakıda I Avropa Oyunlarına həsr olunmuş ümümi çəkisi 200 kq, eni 3 metrdən çox olan dünyada analoqu olmayan şokoladdan hazırlanmış 3D rəsmin iyunun 5-də saat 12:00-da Muzey Mərkəzinin Dairəvi Zalında təqdimat mərasimi keçiriləcək.

Rəsmdə nəyin əks olunduğu isə təqdimatın açılış gününədək müəllif tərəfindən sirr kimi saxlanılır.

Tədbir Mədəniyyət və Turizm Nazirliyi, Gənclər və İdman Nazirliyi, "Nikolya" Şokolad Muzeyi və Muzey Mərkəzinin təşkilatçılığı ilə keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi