Yuxarı

Gürcüstan teatrı Bakıya qastrola gəlir

Teatrın kollektivi Səməd Vurğun adına Rus Dram Teatrının səhnəsində çıxış edəcək

Bakı. 10 noyabr. REPORT.AZ/ A.S.Qriboyedov adına Tbilisi Dövlət Akademik Rus Dram Teatrı Bakıya qastrol səfərinə gələcək.

Səməd Vurğun adına Rus Dram Teatrının mətbuat xidmətindən "Report"a verilən xəbərə görə, dekabrın 7-də teatrın səhnəsində Gürcüstan Teatrının kollektivi L.N.Tolstoyun "Xolstomer. Atların tarixçəsi" adlı əsəri əsasında hazırlanmış tamaşa ilə çıxış edəcək.

Tamaşanın quruluşçu rejissoru, Gürcüstanın Dövlət Mükafatı laureatı Avtandil Varsimaşvili, rəssamı, Gürcüstanın əməkdar rəssamı, Ş.Rustaveli mükafatı laureatı Mirian Şvelidze, bəstəkar Zaza Korintelidir.

Xolstomer rolunu aktyor Valeriy Xaryutçenko ifa edir.

Qeyd edək ki, aktyor bu rola görə, "Qızıl Vityaz" XI-ci Beynəlxalq Teatr Forumunda qızıl diplomla təltif edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi