Yuxarı
    Bağlamaq

    Gənc Tamaşaçılar Teatrının aktrisası mükafata layiq görülüb

    Aktrisa 2014-cü ildə uğurlu fəaliyyətinə görə nominasiyasının qalibi olub

    Bakı. 3 fevral. REPORT.AZ/ Azərbaycan Dövlət Gənc Tamaşaçılar Teatrının gənc aktrisası Səbinə Məmmədova “2014-cü ildə uğurlu fəaliyyətinə görə” nominasiyasına layiq görülüb. 

    "Report" xəbər verir ki, bu barədə məlumatı Gənc Tamaşaçılar Teatrının mətbuat xidməti yayıb.

    Gənc aktrisa bu mükafata teatr və kino sənəti sahəsində əldə etdiyi uğurlara görə layiq görülüb.

    S.Məmmədova 1997-2009-cu illərdə Bakı Xoreoqrafiya Məktəbində təhsil alıb və sözügedən təhsil müəssisəsini xalq rəqsləri üzrə fərqlənmə diplomu ilə bitirib. 2013-cü ildə isə Azərbaycan Dövlət Mədəniyyət və İncəsənət Universitetinin dram rejissorluğu fakültəsini fərqlənmə diplomu ilə başa vurub.

    2013-cü ildən Azərbaycan Dövlət Gənc Tamaşaçılar Teatrında aktrisa kimi fəaliyyət göstərir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi