Yuxarı
    Bağlamaq

    Gənc Tamaşaçılar Teatrı "Müharibə" tamaşasını təqdim edəcək

    Tamaşa faşizm üzərində qələbənin 70 illiyi münasibətilə göstəriləcək

    Bakı. 8 may. REPORT.AZ/ Azərbaycan Dövlət Gənc Tamaşaçılar Teatrı faşizm üzərində qələbənin 70 illiyi münasibətilə mayın 9-da "Müharibə" tamaşasını təqdim edəcək. "Report" xəbər verir ki, səhnə əsəri İsveç dramaturqu Lars Nurenin "Müharibə" əsəri əsasında hazırlanıb.

    Teatrın baş rejissoru, Azərbaycanın əməkdar incəsənət xadimi Bəhram Osmanovun quruluş verdiyi tamaşa başlamamışdan əvvəl veteranlar və qonaqlar ikinci dünya müharibəsi, o dövrün hadisələri haqda çıxış edəcəklər. 

    Sonra Lars Nurenin “Müharibə” əsəri əsasında hazırlanmış “Mən gəldim qızlar” (“Müharibə”) tamaşası nümayiş etdiriləcək. İki hissəli tamaşanın quruluşçu rəssamı Sevinc Həsənova, rejissor assistenti Gülnar Hacıyeva, musiqi tərtibatçısı İradə Muradovadır.

    Səhnə əsərində əsas rolları əməkdar artistlər Qurban İsmayılov, Kəmalə Hüseynova, aktyorlar Rasim Cəfər, Zümrüd Quliyeva, Roza İbadova oynayacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi