Gənc bəstəkarların musiqi plenumu keçiriləcək

Bakı. 23 yanvar. REPORT.AZ/ Azərbaycan Bəstəkarlar İttifaqı aprel ayında gənc bəstəkarların musiqi plenumunun keçirilməsini planlaşdırır.

İttifaqdan "Report"a verilən məlumata görə, plenum çərçivəsində üç günlük festival da keçiriləcək, dinləmə və diskussiyalar təşkil olunacaq.

Eyni zamanda, apreldə bəstəkar Azər Dadaşovun fortepiano əsərlərinin ən yaxşı ifası üzrə müsabiqəyə də start veriləcək.