Dünyanın qocaman aktyorlarından olan Lukas Ammann 105 yaşında vəfat edib

Bakı. 4 may. REPORT.AZ/ Dünyanın qocaman aktyorlarından olan isveçrəli Lukas Ammann 105 yaşında vəfat edib.

"Report"un məlumatına görə, bu barədə "Bild" xəbər verib.

Tanınmış aktyorun yaxını Annemari fon Kinlin bildirib ki, Lukas Ammann Münhendəki mənzilində dünyasını dəyişib. Onun sözlərinə görə, Ammann ölümündən az əvvəl öd kisəsindən əməliyyat olunub. 

Qeyd edək ki, L.Ammann almandilli ölkələrdə və Fransada özünün detektiv rolları ilə məşhur olub.