Yuxarı

Dərbənd Azərbaycan Dövlət Dram Teatrı premyeraya hazırlaşır

Dağıstanın Mədəniyyət Nazirliyi bizim teatra lazımi şəraiti yaradır

Bakı. 5 oktyabr. REPORT.AZ/ Dağıstanda fəaliyyət göstərən Dərbənd Azərbaycan Dövlət Dram Teatrı oktyabrın sonu Əbdürrəhim bəy Haqverdiyevin "Ac həriflər" tamaşasının premyerasını tamaşaçılara təqdim edəcək.

Bu barədə "Report"a Dərbənd Azərbaycan Dram Teatrının baş rejissoru Ərtoğrul Kamalov məlumat verib.

"Oktyabrın 15-20-də bu tamaşanın premyerası ilə Dərbənd teatrsevərlərinin görüşünə gələcəyik. Yerli əhalinin tamaşalarımıza marağı böyükdür. Hazırda teatrda heç bir çatışmazlıq yoxdur. Tamaşaların kostyumları tikilir, dekorasiyalar hazırlanır. Hələlik teatrımızın yeni binası tikilənə qədər məşqlərimizi Ləzgi Dövlət Musiqili Dram Teatrının səhnəsində edirik. Yeni tamaşanı da bu teatrda nümayiş etdirəcəyik. Dağıstanın Mədəniyyət Nazirliyi bizim teatra lazımi şəraiti yaradır. İşlərimiz normal axarı ilə gedir", - teatrın baş rejissoru bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi