Yuxarı

"Debüt" studiyasında yeni film çəkilir

Bakı gecələri adlı kinoalmanaxın çəkilişləri aprelin sonunda bitəcək

Bakı. 2 aprel. REPORT.AZ/ "Debüt" studiyası yeni filmin çəkilişlərinə başlayır.

"Report" xəbər verir ki, aprelin ilk ongünlüyündə çəkilişlərinə start veriləcək kinoalmanaxın şərti adı "Bakı gecələri" adlanır. Kinoalmanaxa 5 novella daxildir. Hər novella qısametrajlı film kimi ekranlaşdırılacaq. Qısametrajlı filmlərin hər birinin xronometrajı 8-10 dəqiqə olacaq.

Kinoalmanaxın çəkilməsinin əsas məqsədi Bakı şəhərini tərənnüm etmək, Bakının gözəlliklərini, xüsusilə şəhərin gecə mənzərəsini nümayiş etdirməkdir. Kinoalmanaxın çəkilişləri aprelin sonunda bitəcək.

Qeyd edək ki, kinoalmanaxa daxil olan 5 novellanın ssenari müəllifi İlqar Fəhmidir.

Qısametrajlı filmləri gənc rejissorlar Rövşən Ağayev, Xədicə Qarayeva, Kəmalə Zəkiyeva, Gündüz Əliyev və Cabir Hacıyev ekranlaşdıracaq.

Filmlərin quruluşçu operatoru Yuri Varnovskidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi