Yuxarı
    Bağlamaq

    "CinemaPlus"da "Mənfur Səkkizlik" filminin premyera öncəsi nümayişi keçiriləcək - VİDEO

    Sabah keçiriləcək tədbirdə qonaqları Vəhşi Qərb üslubunda sürpriz gözləyir

    Bakı. 5 yanvar. REPORT.AZ/ Azərbaycanın premium kinoteatrı "CinemaPlus" amerikalı rejissor Kventin Tarantinonun "Mənfur Səkkizlik" filminin qapalı premyera öncəsi nümayişini keçirəcək. "Report" xəbər verir ki, filmdə baş rolları Kurt Rassel, Samuel L.Cekson, Tim Rot, Cenifer Ceyson və başqaları oynayır.

    Ekran əsərində hadisələr vətəndaş müharibəsindən sonra cərəyan edir. Əfsanəvi cinayətkar ovçusu Asan ləqəbli Con Rut məhbusu müşayiət edir. Yolda onlara daha bir ovçu qoşulur. Qar tufanı hər üçünü kənddən kənarda, dükanda sığınacaq axtarmağa məcbur edir. Həmin yerdə isə qarışıq dəstə - general, şerif, meksikalı, fransız və kovboy toplaşıb. Onlardan biri isə kimliyini olduğu kimi təqdim etmir.

    Xatırladaq ki, sabah keçiriləcək tədbirdə qonaqları "Vəhşi Qərb" üslubunda sürpriz gözləyir. 

    Qeyd edək ki, "CinemaPlus" Azadlıq prospekti,45 ünvanında, "28 Mall" ticarət mərkəzinin 5-ci mərtəbəsində yerləşir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi