"Betmen" rolunu canlandıran aktyor vəfat edib

Bakı. 11 iyun. REPORT.AZ/ Amerikalı aktyor Adam Uest 88 yaşında Los-Ancelesdə (Kaliforniya ştatı) dünyasını dəyişib.

"Report" TASS-a istinadən xəbər verir ki, bu barədə şənbə günü "Facebook" sosial şəbəkəsində onun ailə üzvləri məlumat verib.

Aktyorun leykemiya xəstəliyindən əziyyət çəkdiyi qeyd olunur.

Adam Uest aktyorluq karyerası ərzində 50 filmdə, həmçinin onlarla televiziya serialında çəkilib. Onun ən uğurlu rolu isə eyniadlı televiziya serialında canlandırdığı "Betmen" obrazı olub. Film Birləşmiş Ştatlarda 1966-1968-ci illərdə nümayiş olunub.