Yuxarı
    Bağlamaq

    Bakıda V Beynəlxalq Uşaq Təsviri İncəsənət Festivalı keçiriləcək

    Müsabiqə üçün işlərin qəbulu və seçimi may ayında başlayacaq

    Bakı. 30 mart. REPORT.AZ/ Bakıda "Saf rənglər" adlı V Beynəlxalq Uşaq və Gənclər Təsviri İncəsənət Festivalı keçiriləcək.

    "Report" Rusiya İnformasiya və Mədəniyyət Mərkəzinə istinadən xəbər verir ki, müsabiqə üçün işlərin qəbulu və seçimi may ayında başlayacaq.

    Müsabiqəyə 3-16 yaşlı uşaq və yeniyetmələrin təsviri incəsənətin istənilən - həm ənənəvi, həm də multimediya, installyasiya (quraşdırılma) və animasiya kimi müasir forma və janrında əl işləri qəbul olunacaq.

    Müsabiqəyə Azərbaycandan və xarici ölkələrdən yeniyetmə rəssamlar və yaradıcı studiyalar dəvət edilir. Müsabiqə iştirakçılar aşağıdakı tematik kateqoriyaları seçə bilərlər: "Azərbaycan", "İdman", "Təhlükəsiz dünya - gələcəyin nəqliyyatı", "Eko-mədəniyyət", "Oyuncaqlar və transformerlər", "Rabitə və informasiya".

    İyun ayında Azərbaycan Dövlət Rəssamlıq Akademiyasının Muzey-Sərgi Kompleksində festivalın ekspozisiuyası təqdim olunacaq. Festivalın müsabiqə proqramında qaliblərinin mükafatlandırılması, master-klasslar və konsertlər 2017-ci ilin sentyabr ayında keçiriləcək.

    Festival təşkilatçıları qismində Azərbaycan Dövlət Rəssamlıq Akademiyası və Azərbaycan Respublikasının Təhsil Nazirliyi çıxış edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi