Yuxarı
    Bağlamaq

    Bakıda Üzeyir Hacıbəyli VIII Beynəlxalq Musiqi Festivalı keçiriləcək

    Festival dahi bəstəkarın doğum günündə başlayacaq

    Bakı. 23 avqust. REPORT.AZ/ Bakıda Üzeyir Hacıbəyli VIII Beynəlxalq Musiqi Festivalı keçiriləcək.

    "Report" xəbər verir ki, tədbirin açılışı sentyabrın 18-də - dahi bəstəkarın doğum günündə olacaq. 

    Sentyabrın 18-dən 27-dək davam edəcək festivalda Azərbaycanla yanaşı, xarici ölkələrdən gəlmiş, tanınmış musiqiçilər iştirak edəcəklər.

    Beynəlxalq festival Heydər Əliyev Fondu və Mədəniyyət və Turizm Nazirliyinin təşkilatçılığı ilə keçiriləcək.

    Qeyd edək ki, Azərbaycan Prezidentinin 1995-ci il 18 sentyabr tarixli fərmanına uyğun olaraq hər il sentyabrın 18-də ənənəvi Üzeyir Musiqi Günü keçirilir. Bu münasibətlə ölkədə bir çox konsertlər, tədbirlər, sərgilər və digər mədəni tədbirlər təşkil olunur.

    2009-cu ildən başlayaraq, Üzeyir Hacıbəyliyə həsr olunmuş beynəlxalq musiqi festivalı keçirilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi