Yuxarı
    Bağlamaq

    Bakıda Pyotr Çaykovskinin 175 illiyi qeyd olunub

    Mayın 7-də dahi rus bəstəkarı Pyotr Çaykovskinin anadan olmasının 175 ili tamam olub

    Bakı. 8 may. REPORT.AZ/ Bakıda dahi rus bəstəkarı Pyotr İlyiç Çaykovskinin 175 illiyi qeyd olunub. "Report" Rusiya informasiya-mədəniyyət mərkəzinin mətbuat xidmətinə istinadən xəbər verir ki, Azərbaycan Dövlət Musiqi Mədəniyyəti Muzeyində bu hadisəyə həsr olunan yaradıcılıq gecəsi keçirilib. 

    Tədbiri açan muzeyin direktoru Alla Bayramova bəstəkarın yaradıcılıq irsi haqqında danışıb: "Azərbaycanda bir çox rus bəstəkarlarını sevirlər. Lakin Çaykovski və onun əsərləri bu sırada xüsusi yer tutur. Azərbaycanın bir çox musiqi xadimləri rus musiqi məktəbinin yetirmələridir. Və hər zaman onlar Çaykovskinin əsərlərini böyük sevgi ilə ifa edirlər".

    Muzey əməkdaşları bu görüşlə bağlı bəstəkarın həyat və yaradıcılığına həsr olunan arxiv şəkillərinin nümayişini də təşkil ediblər.

    Tofiq Quliyev adına 12 saylı və Əhməd Bakıxanov adına 6 saylı Bakı Musiqi Məktəblərinin şagirdləri P.Çaykovskinin əsərlərini, Bakı Musiqi Akademiyasının tələbələri isə onun romanslarını ifa ediblər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi