Yuxarı

Bakıda "Musiqi təsviri incəsənətdə" adlı sərgi keçirilir

Üzeyir Hacıbəylinin anadan olmasının 130 illik yubileyinə həsr olunan silsilə tədbirlər davam edir

Bakı. 27 oktyabr. REPORT.AZ/ Azərbaycan bəstəkarlıq məktəbinin banisi Üzeyir Hacıbəylinin anadan olmasının 130 illik yubileyinə həsr olunan silsilə tədbirlər davam edir.

"Report" xəbər verir ki, sentyabrın 22-dən etibarən Muzey Mərkəzində Azərbaycan Musiqi Mədəniyyəti Dövlət Muzeyi, Azərbaycan Dövlət Teatr Muzeyi və Azərbaycan Dövlət Rəssamlıq Akademiyasının materialları əsasında Üzeyir Hacıbəylinin anadan olmasının 130 illik yubileyinə həsr olunan sərgi keçirilir.

Sərgidə Azərbaycan Musiqi Mədəniyyəti Dövlət Muzeyinin və Azərbaycan Dövlət Teatr Muzeyinin materialları əsasında Üzeyir Hacıbəylinin əsərlərinin tamaşalarına çəkilmiş dekorasiyalar, eskizlər və s., Azərbaycan Dövlət Rəssamlıq Akademiyasının "Musiqi təsviri incəsənətdə" adı altında rəsm əsərləri və xalça nümayiş olunur.

Qeyd edək ki, sərgi noyabrın 15-dək davam edəcək.

Giriş sərbəstdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi