Bakı. 6 fevral . REPORT.AZ/ Bakıdakı Rusiya İnformasiya-Mədəniyyət Mərkəzində (RİMM) "Hər kəs üçün kino" layihəsi çərçivəsində Böyük Vətən Müharibəsi haqqında sənədli və bədii filmlərin nümayişinə başlanılıb. "Report" xəbər verir ki, fevralın 5-də ilk olaraq "Qələbə Marşalı" tarixi serialdan marşal Kliment Voroşilov haqqında sənədli film və sovet tankçıları haqqında bəhs edən "Müharibədə müharibə qanunları" bədii filmi ("Lenfilm" kinostudiyası, 1968-ci) nümayiş olunub.
Filmin nümayişində veteranlar, tələbələr, şagirdlər, Azərbaycan ictimai təşkilatlarının nümayəndələri iştirak edib.
RİMM-də filmlərin nümayişi il boyu həftənin cümə axşamı günləri baş tutacaq. Repertuara Azərbaycan kinematoqrafçıların da çəkdikləri filmlər daxil olmaqla, müharibə haqqında filmlər daxil ediləcək.