Bakı. 14 iyul. REPORT.AZ/ Bakı Uşaq Teatrı "Dovşanın evi" tamaşası ilə mövsümə yekun vuracaq.
Bu barədə "Report"a Bakı şəhər Mədəniyyət və Turizm Baş İdarəsindən məlumat verilib.
Rejissor İntiqam Soltanın Arzu Soltanın qələmə aldığı pyes əsasında quruluş verdiyi tamaşa balacalara yay töhfəsi olacaq.
Tamaşanın rəssamı Sevda Məmmədova, musiqi tərtibatçısı isə Rauf Hüseynlidir.
Tamaşa iyulun 15-də saat 12:00-da Bakı Şəhər Mədəniyyət və Turizm Baş İdarəsinin Q.Abbasov adına Mədəniyyət Sarayında keçiriləcək.
Giriş sərbəstdir.