Bakı. 10 yanvar. REPORT.AZ/ Tanınmış aşıq Vüqar Mahmudoğlu vəfat edib.
"Report" xəbər verir ki, aşıq 48 yaşında dünyasını dəyişib.
Mərhum Qobustan rayonunda dəfn olunacaq.
Qeyd edək ki, bir neçə gün öncə infarkt keçirən V.Mahmudoğlu Mərkəzi Gömrük Hospitalında ürəyindən əməliyyat olunmuşdu.
Xatırladaq ki, o, 3 noyabr 1970-ci ildə böyük Azərbaycan aşığı Mahmud Ələsgəroğlunun ailəsində doğulub.
Allah rəhmət eləsin!