Yuxarı
    Bağlamaq

    Azərbaycanın tanınmış aktyoru: "Hələ 15 gün xəstəxanada yatmalıyam"

    Vəziyyətim qəfil pisləşmişdi

    Bakı. 6 aprel. REPORT.AZ/ Akademik Milli Dram Teatrının aktyoru Rövşən Kərimduxt bir neçə gündür xəstəxanadadır. Sumqayıt şəhər 1 saylı xəstəxanasında müalicə alan aktyor "Report"a açıqlamasında sağlıq durumunun yaxşı olduğunu deyib.

    "Vəziyyətim qəfil pisləşmişdi. Problemim böyrəklərimlə bağlıdır. Böyrəklərimdə kista və daş var. 3 il əvvəl müalicə almışdım. Amma sənətimiz elədir ki, hər zaman hərəkətdəyik. Səhnədə tərləyirik, soyuq olur. Fikir vermirik ki, keçib-gedər, amma sonrakı fəsadları ağır olur. İndi yaxşıyam. Sumqayıt qeydiyyatında olduğum üçün buradakı xəstəxanada müalicə olunuram. Hələ 15 gün xəstəxanada yatmalıyam", - Rövşən Kərimduxt bildirib.

    Qeyd edək ki, Rövşən Kərimduxt 5 gün əvvəl vəziyyətinin qəfil pisləşməsi ilə bağlı xəstəxanaya müraciət edib.

    Rövşən Kərimduxt 1996-cı ildən Akademik Milli Dram Teatrında çalışır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi