Yuxarı

Azərbaycanın rəqs ansamblı Türkiyədə Turizm Festivalında çıxış edib

Festival Kütahya şəhərində keçirilib

Bakı. 27 avqust. REPORT.AZ/ Türkiyənin Kütahya şəhərində "Çini, Termal, Kültür-Sanat və Turizm Festivalı" keçirilib.

"Report" xəbər verir ki, festivalda Azərbaycanı təmsil edən rəqs ansamblı çıxış edib.

Festival Kütahya Bələdiyyəsinin təşkilatçılığı ilə baş tutub.

22 nəfərdən ibarət rəqs ansamblının üzvləri təqdim etdikləri proqramı "Qardaşlıq gecəsi" adlandırıblar. 1 saat müddətində davam edən konsertin sonunda Azərbaycan rəqs ansamblı Türkiyə bayrağını səhnəyə gətirərək, türk tamaşaçıları ilə vidalaşıblar.

Azərbaycan sənətçilərinin bu davranışı türk tamaşaçılarının alqışlarına səbəb olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi