Yuxarı

Azərbaycanın iki baletmeysteri Qırğızıstanda beynəlxalq festivalda iştirak edəcək

Qırğızıstan Milli Akademik Opera və Balet Teatrında IV beynəlxalq balet festivalı keçiriləcək

Bakı. 10 may. REPORT.AZ/ A.Maldıbayov adına Qırğızıstan Milli Akademik Opera və Balet Teatrında mayın 15-dən 21-dək IV beynəlxalq balet festivalı keçiriləcək.

"Report" xəbər verir ki, festival Qırğızıstanda xoreoqrafiya sənətinin əsasını qoyan görkəmli balet ustası, SSRİ xalq artisti B.Beyşenaliyevanın 90 illik yubileyinə həsr olunub.

Festivalda bir sıra ölkələrdən olan balet ustaları ilə yanaşı, Azərbaycan da nümayəndələr iştirak edəcək.

Festivalda Azərbaycanı Dövlət Akademik Opera və Balet Teatrının balet truppasının aparıcı solistləri – xalq artisti Gülağası Mirzəyev və əməkdar artist Nigar İbrahimova təmsil edəcəklər.

Opera və Balet Teatrının solistləri festival çərçivəsində baş tutacaq qala-konsertdə Q.Qarayevin “Yeddi gözəl” və A.Adanın “Jizel” baletindən səhnələrlə çıxış edəcəklər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi