Yuxarı

Azərbaycanın əməkdar kino işçisi vəfat edib

Azərbaycanfilm Kinostudiyasının əməkdaşı bu gün torpağa tapşırılacaq

Bakı. 27 oktyabr. REPORT.AZ/ Əməkdar kino işçisi, Cəfər Cabbarlı adına "Azərbaycanfilm" kinostudiyasının keçmiş laboratoriya müdiri Faiq Əliyev dünyasını dəyişib.

Bu barədə "Report"a kinostudiyanın əməkdaşı, rəssam Şahin Həsənli məlumat verib.

Qeyd edək ki, Faiq Əliyev 1944-cü ildə Bakı şəhərində anadan olub. Uzun illər "Azərbaycanfilm" kinostudiyasında çalışıb. Kinostudiyada fəaliyyət göstərən "Aşkarfilm" studiyasının rəhbəri olub. Kinostudiyanın filmləri aşkarlaması prosesində ən yaxşı mütəxəssis hesab edilib.

Mərhum kino işçisi bu gün saat 14.00-da "Qurd qapısı" qəbiristanlığında torpağa tapşırılacaq.

Allah rəhmət eləsin!

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi