Azərbaycanda yeni teatr mövsümünün açılışı Şəkidə keçiriləcək

Bakı. 18 avqust. REPORT.AZ/ Azərbaycanda yeni teatr mövsümünün rəsmi açılışı sentyabrın 15-də Şəkidə keçiriləcək. 

"Report" xəbər verir ki, həmin gün eyni zamanda II Beynəlxalq Şəki Teatr Festivalı başlayacaq.

"III Məkan" adlı festival sentyabrın 15-dən 24-dək davam edəcək. 

Festival Mədəniyyət və Turizm Nazirliyi, Şəki Şəhər İcra Hakimiyyəti və Azərbaycan Teatr Xadimləri İttifaqının təşkilatçılığı ilə keçiriləcək. Festivalda Azərbaycan teatrları ilə yanaşı, xarici ölkələrin teatr kollektivləri də qatılacaq.