Yuxarı
    Bağlamaq

    Azərbaycan nümayəndə heyəti Kann kino festivalında görüş keçirib

    Qırğızıstan kinematoqrafçıları ilə görüş zamanı tanınmış kino xadimi Ernest Abdicaparov yeni tarixi kino layihəsi haqqında məlumat verib

    Bakı. 16 may. REPORT.AZ/ Kann kino festivalında iştirak edən Azərbaycan nümayəndə heyəti ilə Qırğızıstan kinematoqrafçıları görüşüblər.

    Bu barədə "Report"a "Azərbaycanfilm" kinostudiyasından məlumat verilib.

    Məlumata görə, Mədəniyyət və Turizm Nazirliyinin dəstəyi ilə təşkil olunan Azərbaycan kino pavilyonunda öncədən razılaşdırılan cədvəl əsasında görüşlər keçirilir.

    Qırğızıstan kinematoqrafçıları ilə görüş zamanı tanınmış kino xadimi Ernest Abdicaparov yeni tarixi kino layihəsi haqqında məlumat verib.

    Türkdilli dövlətlərin birgə layihəsi kimi nəzərdə tutulan həmin layihədə Azərbaycanın iştirak imkanları müzakirə olunub. 

    Qeyd edək ki, bu il dünyanın ən nüfuzlu kino tədbirində Azərbaycan kinosunu Mədəniyyət və Turizm Nazirliyinin və Cəfər Cabbarlı adına “Azərbaycanfilm” kinostudiyasının nümayəndələri, eləcə də rejissor və prodüser İlqar Nəcəf, ssenarist və rejissor Asif Rüstəmov təmsil edir.

    “Azərbaycanfilm” kinostudiyası bu il Kann kino bazarına “Qırmızı bağ”, “İçəri şəhər”, “Yarımçıq xatirələr”, “4.1 Şəhər motivləri”, “Keçmişdən məktublar”, “Həddən artıq uyğunluq” və “Xeyirlə Şərin rəqsi” bədii filmlərini təqdim edib. Azərbaycan filmləri dünyanın yüzə qədər ölkəsindən gələn distribyutor şirkətlərinin diqqətinə çatdırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi