Yuxarı

Azərbaycan incəsənət əsərlərinin London hərrac evində nümayişi keçiriləcək

Buta Festivalı 2015də Cavad Mircavadovun əsərləri sərgilənəcək

Bakı. 16 fevral. REPORT.AZ/ Fevralın 17-dən 19-dək dünya şöhrətli London hərrac evi "Sotheby’s"də Azərbaycanın unikal incəsənət nümunələrinin nümayişi olacaq.

"Report" xəbər verir ki, bu barədə məlumatı "Buta Festivalı"nın təşkilatçıları yayıb.

Budəfəki sərgidə görkəmli Azərbaycan rəssamı Cavad Mircavadovun əsərləri nümayiş ediləcək.

Bakıda dünyaya gəlmiş və 1960, 70 və 80-ci illərdə Moskvada yaşayıb-yaratmış Cavad Mircavadov "XX əsrin görkəmli Azərbaycan rəssamı" kimi xarakterizə edilir. Mircavadovun təsirli və cəsur əsərləri gizli simvol və məna ilə zəngindir. Sovet dövründə onun əsərlərini sosial realizm üslubuna aid olmadığı üçün qadağan etmişdilər.

Qeyd edək ki, Fərəh Piriyevanın kuratorluğu ilə keçirilən sərgi Azərbaycan xalılarının Mircavadova və onun Moskva və Bakıdan olan müasirlərinə olan təsirini nümayiş etdirmək üçün Azərbaycan Milli İncəsənət Muzeyindən olan ənənəvi Azərbaycan xalılarının bəzi möhtəşəm nümunələrini də əhatə edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi