Yuxarı
    Bağlamaq

    Azərbaycan filmləri Hindistanda keçirilən beynəlxalq festivalda nümayiş etdirilib

    Festival Yeni Delhi şəhərində keçirilib

    Bakı. 12 dekabr. REPORT.AZ/ Hindistanda keçirilən 5-ci Delhi Beynəlxalq Film Festivalının müsabiqə proqramına salınan “Dərs” və “Onun atası” bədii filmlərinin nümayişi olub.  

    Bu barədə "Report"a “Azərbaycanfilm” kinostudiyasının mətbuat xidmətindən məlumat verilib.

    Bildirilib ki, festival Yeni Delhi şəhərində keçirilib. Hər iki film Mədəniyyət və Turizm Nazirliyinin dəstəyi ilə “Azərbaycanfilm” kinostudiyasında lentə alınıb.

    “Dərs” tammetrajlı bədii filminin ssenari müəllifləri Elza Ağayeva və Anastasiya Volkova, quruluşçu rejissorları Rafiq Əliyev və Cavid Təvəkkül, quruluşçu operatoru Rauf Qurbanəliyev, quruluşçu rəssamı Fikrət Ələkbərov, bəstəkarı Tünzalə Ağayeva, icraçı prodüseri Vüsal Abbasov, prodüseri Müşfiq Hətəmovdur.

    Filmdə baş rolları Tamerlan Ağayev, Aliyə Əliyeva, Rəşid Əliyev, Ayna Zərbəliyeva, Nazim İbrahimov, Mənsurə Əhmədova və digərləri canlandırırlar.

    Filmin beynəlxalq təqdimatı Almaniyanın 34-cü Münhen Film Festivalında baş tutub. Film Rusiyanın 25-ci “Kinoşok” Beynəlxalq Film Festivalının “KinoMalıŞok” proqramının “Ən yaxşı film”, Belarusiyanın 23-cü “Listapad” Minsk Beynəlxalq Film Festivalının “Qızıl Listapadik” mükafatlarına layiq görülüb.

    “Onun atası” bədii filmi “40-cı paraleldə” kinoalmanaxına daxil olan qısametrajlı filmlərdən biridir.

    Filmin ssenari müəllifi və quruluşçu rejissoru Zamin Məmmədov, quruluşçu operatoru Əli Sultanov, quruluşçu rəssamı Arif Niftiyev, icraçı prodüseri Rəhim Sadıqov, prodüseri Müşfiq Hətəmovdur.

    Filmdə baş rolları Şamil Süleymanlı, Fateh Tahirov, Məbud Məhərrəmov və Ülviyyə Rza canlandırırlar.

    “Onun atası” filminin beynəlxalq təqdimatı İtaliyanın 17-ci Asiatica, Encounters with Asian Cinema Film Festivalının müsabiqə proqramında baş tutub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi